الأحد، 25 يونيو 2017 07:10 م
خالد صلاح

معركة فتيات النقاب فى مطعم "أم حسن".. تداول صور من بروفايلات البنات تؤكد انتماءهن لجماعة الإخوان.. وواحدة منهن تؤكد: المدير خبط فى زميلة فحدثت الأزمة.. وإدارة المطعم تعتذر للفتيات وتدعو طرفى النزاع لإفطار جماعى

الإثنين، 19 يونيو 2017 09:27 م
معركة فتيات النقاب فى مطعم "أم حسن".. تداول صور من بروفايلات البنات تؤكد انتماءهن لجماعة الإخوان.. وواحدة منهن تؤكد: المدير خبط فى زميلة فحدثت الأزمة.. وإدارة المطعم تعتذر للفتيات وتدعو طرفى النزاع لإفطار جماعى صور الفتيات فى المطعم قبل المعركة

كتب محمد تهامى زكى

حالة من الجدل والانقسام شهدتها مواقع التواصل الاجتماعى على مدار يومين، بسبب المعركة التى دارت بين فتيات منتقبات والعاملين بمطعم أم حسن فى عباس العقاد بمدينة نصر، حيث أكد عدد كبير من الرواد ضرورة كشف هوية المنتقبات خوفا من استغلال النقاب فى أعمال عنف وإرهاب فى ظل اللحظات العصيبة التى تعيشها مصر مع الإرهاب، كما تداول البعض منشورات توضح انتماء الفتيات لجماعة الإخوان الإرهابية، فى حين تعاطف البعض الآخر مع الفتيات وتجريم حبسهن وضربهن حتى لو كن مخطئات.

 

ثورة من بروفايل أحد الفتيات
صورة من بروفايل أحد الفتيات

 

البداية بدأت بـ"بوست" نشرته إحدى الفتيات المنتقبات تدعى سلمى أبو الفضل، عبر حسابها على فيس بوك، قالت فيه: "زى أى شوية أصحاب لمينا بعض وروحنا نفطر فى محل أم حسن اللى فى أول عباس، دخلنا من الباب شوية منتقبات وكم واحدة مختمرة، قعدنا ونظرتهم لينا وتعاملهم غريب قولنا عادى، وإحنا بنفطر الكاشير جبلنا الفاتورة وقالته بنت مننا إحنا لسه بناكل، نخلص بس حاضر، دقيقتين وجى بالفاتورة تانى، ردينا عليه.. هو حضرتك عايزنا نقوم يعنى.. ناكل طيب".

 

وأضافت الفتاة: "الساعة 8 قومنا ندفع الحساب فمدير المحل خبط فى بنت مننا واحتك بيها جامد، فقالته من فضلك وسع كده مينفعش، ممكن تمر من مكان تانى، قالها وطى صوتك، وعلي صوته عليه فأخدنا شنطنا وقولنا نمشى، فقال لنا "أصلكم مش محترمين انتوا واللى لمينهم دول، مكانكم تاكلوا فى الشارع، أنتوا منظر ناس تاكل فى مطعم، وسبلنا الدين، وقالنا انتو تاكلوا فالشارع بمنظركم دا، اللى هو إيه منظرنا معرفش".

 

وتابعت: "نزلنا السلم وباقى أصحابنا فوق، لقينا صويت وصريخ طلعنا نجرى لقينهم فكين أحزمة البناطيل وبيضربوا فى أصحابنا رجالة بشنبات بتضربنا، اتحبس مننا حبة فى الدور اللى فوق وحبة فى الدور اللى تحت وحبة برا باب المحل لمدة 48 دقيقة، كان دمنا نشف ومعظمنا عنده كدمات كبيرة وإصابات منها إصابات فى الرأس والدراع والجسم وضرب على الوش والشلاليت".


على الجانب الآخر، نشرت صفحة أم حسن على "فيس بوك" مقطع فيديو يظهر الواقعة ثم قامت بحذفه فيما بعد، ثم أرفقت 3 بيانات كل بيان بشكل وصيغة ورواية مختلفة، حتى استقر الحال ببيان تعتذر فيه لجميع الأطراف ودعوتهم لإفطار جماعى من أجل تهدئة الأجواء، جاء نصه كالتالى: "توضح أم حسن أنها لم ولن تكن طرفاً فى أى اشتباك حدث مع الأخوات الفاضلات زبائن المطعم، وتعتذر إدارة المطعم للأخوات الفاضلات زبائن المحل عن المشادة التى حدثت داخل المطعم مع أحد الزبائن وأسرته، التى تطورت إلى اشتباك بالأيدي بينهم وبين أحد الزبائن الموجودين بالمطعم وعائلته لانفعالهم على احتدادهم على أحد موظفى المطعم، حاولت إدارة المطعم حل المشكلة فى أسرع وقت والتهدئة، وكانت كل محاولات الموظفين الموجودين فض هذا الاشتباك بأى شكل".

 

وتابع بيان المطعم: "إننا نقوم بالاعتذار للأخوات الفاضلات لعدم تقديم الخدمة بالشكل المرضى لهم، قد يكون هذا بسبب أن وقت الخدمة يكون ضيقا جداً فى رمضان، مما يصيب العاملين ببعض التوتر، كما نعتذر للأسرة الأخرى عن أى مشكلة حدثت بسبب هذا التوتر، و تدعو إدارة المطعم الأخوات الفاضلات والأسرة الأخرى لتناول إفطار جماعى معهم لتقديم واجب الاعتذار للمجموعتين بالشكل اللائق بهم وتهدئة الجو فى هذا الشهر الكريم".

اعتذار أم حسن
اعتذار أم حسن

 

 





التعليقات 0

عدد الردود 0

بواسطة:

عاصم

وقرن في بيوتكن يا باتوع رابعة

كان لازم المطعم يعمل محضر اثبات حالة وكانت الشرطة تفتش في موبيلاتهم كانت هتلاقي الي يحبسهم هما واهاليهم الي سايبنهم يخرجو لوحدهم مهن منتقبات بدون محرم وقرن في بيوتكن

عدد الردود 0

بواسطة:

تحيا مصر

ام حسن خايفه من ارهاب وهوس الاهوان

مطلوب تشريع حاسم يااولى الامر بمنع النقاب فى الاماكن العامه ....... لان بلاويه كتيره والبلد مش ناقصه ارهاب طبعا دول دخولهم اى مكان يثير المخاوف لانك مش عارف دول شايلين ايه ومش حتعرفهم بقسبب السواد اللى لابسينه .... لانهم مجاهدون فى سبيل الشيطان الاكبر المرشد

عدد الردود 0

بواسطة:

ابوالحقيقه

بلطجة المطاعم

يعني أيه توتر الموظفين طول عمرنا نعرف أن الزبون دايما علي حق طالما لم يحدث منه أي تجاوز أو أهدار للكرامة غير ذلك لابد ا، العاملين في المطعم علي درجة عاليه جدا من ضبط النفس وثانيا يعني أيه أعتداء علي سيدات مهما كان مافعلوه وهما يعني لو كانوا سايبين شعرهم ولابسين محزق وضحكتهم بترن في المكان كان حيكون نفس التعامل ياجماعه الانسان مش بلبسه ومش كل الناس زي بعضها وحنفضل لحد أمتي نكره في بعض ونخون بعض علي أساس لبس او شكل الرحمه ياجماعه مش كل من لبست نقاب اوصاحب لحية أخوان العلاقه في الدين بين الانسان وربه أحنا نتعامل مع بعض بمايرضي الله فقط وكل سنه وانتوا طيبين وبلدنا أحسن وبخير وكلنا بنحب بعض

عدد الردود 0

بواسطة:

محمود على

واحدة كاتبة انا بنت بن لادن والتانية كاتبة الاغتيال سنة

وواحدة كاتبة سب ولعن فى الشهيد النائب العام السابق علشان اتحكم على 31 ارهابى أفاضل بالاعدام وواحدة كاتبة مفيش حد يغتال حد من ادارة المطعم !!!!!! وكم من التحريض على ىالارهاب غير طبيعى !!!!!!!!!!!!!! ادخلوا بروفايلاتهم الارهابية وشوفوا بنفسكم دول المفروض يتقبض عليهم فورا كفاية دلع وطبطبة وانبطاح فيلم هندى مدبر علشان يعيشوا فى دور الشهداء ويجذبوا المغيبين والبلهاء

عدد الردود 0

بواسطة:

سناء

ارهابيات

صفحاتهم تقول انهم شوية ارهابيات متطرفات

عدد الردود 0

بواسطة:

جمال توفيق

سوق العبور

هؤلاء النسوة مكانهن سوق العبور يبيعن طماطم أو المدبح يبيعن فيه السقط ..

عدد الردود 0

بواسطة:

هاني عماره

اخوات خرفان

الراجل مكدبش لما قال ان مكانكوا تاكلوا في الشارع...... بس احسن لو تفطروا في السجن اريح.... الدين المعامله مش نقاب وتمثيل.... بس هما دول الإخوان الخرفان

عدد الردود 0

بواسطة:

sam

سيدة نساء العالمين فاطمة بنت محمد لم تكن منقبة

سيدة نساء العالمين و ابنة سيد خلق الله لم تكن منقبة و السيدة عائشة ام المؤمنين لم تكن منقبة ,,,,,,,,, ,و الأن هؤلاء المنقبات من اين جئن بهذه البدعة فكل بدعة ضلالة و كل ضلالة في النار هؤلاء هن ارهابيات و كان يجب القبض علي هذه الفئة الضالة

عدد الردود 0

بواسطة:

مشمشاوي

سيبنا كل حاجه ومسكنا في النقاب

وكأن النقاب هوه اللي عمل مشكله ..لو لك أخت او والدتك او زوجتك عايزه تلبس نقاب ( مثلا ) وعندها أسبابها ..عشان متفتنش حد...عشان ملاحظه العيون بتتلصص عليها ...عشان عندها حياء ولا تريد أظهار أنوثتها ... الخ.100 سبب تقولها أيه لو أنته مش ديوث ومتفرقش معاك وعندك غيره علي عرضك ؟؟؟ تشجعها ولا تجيب لها قميص نوم تمشي به عشان تبقي فخور والعيون بتخترق كل جزء فيها ؟!!!!

عدد الردود 0

بواسطة:

مصرى واعى للخونة

حركات اهل الشر لافتعال ازمة على الميديا تجتاوت لامر لا تشيروا و لا تنشروا

انهن ادوات الاراب و الخونة اهل الشر يدبرون و يفتعلون ازمات خايبة للاسف السوشيال ميديا تنشر كالشيم بلا وعى تجاهلوا هذة التوافة لا تشيروا لا تنشروا لا تتفاعلوا ارموهم فى الزبالة

اضف تعليق

تم أضافة تعليقك سوف يظهر بعد المراجعة



مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق بروتوكول نشر التعليقات من اليوم السابع
الرجوع الى أعلى الصفحة